უნაყოფობა ქალებში – დაავადება, რომელიც ხასიათდება უშვილობით აქტიური…

0
131
xr:d:DAGB0EEP1sk:36,j:3371368541833192500,t:24040811

უნაყოფობა ქალებში  – დაავადება, რომელიც ხასიათდება უშვილობით აქტიური სქესობრივი ცხოვრების პირობებში, რომელიც გრძელდება 1 წლის მანძილზე, ყოველგვარი ჩასახვის საწინააღმდეგო საშუალებების გამოყენების გარეშე. ქალებს თვისებების მიხედვით უვლინდებათ პირველადი (ადრე ფეხმძიმობის არქონა) და მეორადი (ადრე ფეხმძიმობის ქონის შემდეგ ხელახლა დაფეხმძიმების შეუძლებლობა) უნაყოფობა. შემთხვევების 60%-ში უნაყოფობის მიზეზი ქალის ორგანიზმში დარღვევებია.

მიზეზები
უნაყოფობის ძირითადი მიზეზია კვერცხუჯრედის განაყოფიერების შეუძლებლობა და ასევე:
·         ოვულაციის დარღვევა (მენსტრუალური ციკლი გრძელდება 35 დღეზე მეტ ან 21 დღეზე ნაკლებ პერიოდზე);
·         საკვერცხეების დისფუნქცია;
·         ჰორმონალური დარღვევები (კუჭქვეშა და ფარისებრი ჯირკვლების პრობლემები);
·         ადრეული კლიმაქსი;
·         საშვილოსნოს მილების დაზიანება ან გამტარუუნარობა;
·         საშვილოსნოს ყელის ეროზია;
·         ენდომეტრიოზი;
·         სქესობრივი გზით გადამდები დაავადებები.

უნაყოფობის სიმპტომები
უნაყოფობის მთავარი სიმპტომი ქალებში არის დიდი ხნის მანძილზე, აქტიური სქესობრივი კავშირის ქონისას ბავშვის ჩასახვის შეუძლებლობა.

დიაგნოსტიკა
უნაყოფობის დიაგნოსტიკას ატარებს ექიმი-გინეკოლოგი, რისთვისაც ნიშნავს შემდეგი სახის გამოკვლევებს და ანალიზებს:
·         სისხლის ანალიზს სქესობრივი გზით გადამდები დაავადებების გამოსავლენად;
·         სისიხლის ანალიზს ჰორმონალური ფონის დასადგენად;
·         სასქესო სისტემის ულტრა-ბგერით გამოკვლევას;
·         ჰისტეროსალპინოგრაფია (საშვილოსნოს მილების გამტარუნარიანობის დადგენა);
·         ჰისტეროსკოპია (საშვილოსნოს ლორწოვანი გარსის შემოწმება).
პარალელურად ინიშნება ენდოკრინოლოგთან შემოწმება სპერმისა (სპერმოგრამა) და ფარისებრი ჯირკვლის შესაძლო პათოლოგიების დასადგენად მამაკაცში.

ქალებში უნაყოფობის მკურნალობა
მკურნალობა მოიცავს:
·         ქირურგიულ ჩარევას (ლაპაროსკოპია, ჰისტეროსკოპია);
·         ოვულაციის მასტიმულირებელ პრეპარატებს;
·         ფოლიკულების მასტიმულირებელ პრეპარატებს;
·         ძირითადი დაავადების მკურნალობას.
ზოგ შემთხვევაში ქალი დაფეხმძიმებას შეძლებს მხოლოდ ხელოვნური განაყოფიერების გზით.

რისკის ჯგუფი
რისკის ჯგუფს მიეკუთვნებიან ქალბატონები, რომლებსაც აქვთ:
·         ენდოკრინული ან გინეკოლოგიური დაავადებები;
·         აწუხებთ ჭარბი წონა, ცხიმიანობა;
·         აქვთ არარეგულარული მენსტრუალური ციკლი;
·         ანამნეზში აღენიშნებათ პატარა მენჯის ორგანოების ანთებითი პროცესები;
·         გადატანილი აქვთ პატარა მენჯის ორგანოების ქირურგიული ოპერაციები.

პროფილაქტიკა
პროფილაქტიკისთვის რეკომენდირებულია:
·         არასასურველი ფეხმძიმობის გამოსარიცხად, სქესობრივი აქტის დროს თავის დაცვის საშუალებების გამოყენება;
·         სასქესო ორგანოებისა და სქესობრივი გზით გადამდები დაავადებების თანამედროვე მეთოდებით მკურნალობა;
·         სწორად კვება;
·         ჰიგიენის წესების დაცვა.

მასალის გამოყენების პირობები

დატოვე პასუხი

გთხოვთ, მიუთითოთ თქვენი კომენტარი!
გთხოვთ, შეიყვანოთ თქვენი სახელი აქ